董建華BIN-C 石油氣的士小巴利益大洗牌

董建華去見鄧小平呢個潮，我點會唔咇時間「趁」呢?! 我可以講佢嘅都有唔少嘢，第一件事就揀我最拿手嘅嘢 – 交通運輸

入正題前先講，有見好多人講董建華係「好人」….

我唔一鎚定音係咪講廢話，但綜合所見，會咁講嘅都係受過佢啲蠅頭小利嘅人，那管只係見過面、握過手、合照過 ….
然後的，有部份呢啲人會話批評老蒙懂嘅都只係未同佢接觸過的以偏蓋全云云。我就要講，做評論分析嘅，只需要客觀觀察，更是有接觸過佢嘅，都必須「保持距離」去講。

另外要「抽」一刀。董建華話李光耀係佢偶像，但客觀地，佢同佢嘅班子，有無李光耀嘅能力、有無PAP嘅心懷意念吖？相信答案都唔駛多講。而更直接嘅講，李光耀要做乜可以話係佢話事，但董建華要做乜，全部都要問准北京；PAP 要做乜，都係向返新加坡人交差，但董班子，全部都係向北京交差。

引伸到標題，唔計睇開我嘅 Facebook 有咁上下日子嘅 followers，宏觀而論，成個社會到底有乜嘢得益？

入正題。相信好多人嘅第一反應會係 豐田霸權 呢個我講咗十年過外嘅事情。但十幾年嚟我所講嘅，尤其是呢四個字，從來都只係表面嗰一層。豐田代理皇冠車行確係從中得益，但只算係副產品。俗啲講，共产党派狗糧俾佢咁解嘅唧。

石油氣的士小巴計劃嘅本意，其實係針對97前一直佔據石油產品供應鏈嘅歐美財伐 – Shell (荷蘭)、Esso / Caltex (美國)。正所謂「香港都回歸了，當然要中資當家作主」。但為求避免一刀切引起反彈，於昰搵方法懶係做得好睇。適逢全球大講環保，又巧合地柴油引擎嘅廢氣問題歐盟同美國都正在著力處理，就成為整件事嘅缺口。而當時董建華政府聚焦針對柴油車缺乏保養會出現嘅問題 – 黑煙。

正所謂肉眼見到嘅嘢就係「最好的材料」。要講乜嘢 NOx 對香港人嚟講太複雜喇。而又巧合地日本、澳洲嘅的士用石油氣之普遍，就成為打開缺口嘅工具。

因為《危險品條例》對石油氣嘅管制有別於電油同柴油，藉著氣站位置嘅要求有別於油站，就成為要引入新嘅汽車用燃料、讓中資「出師有名」地進入香港市場。

唔駛點，「專用氣站」邊間最多？中石化囉。至於易高，大股東係容海恩老豆容仁彪嘅華潤，分餅仔是也；另外股東係煤氣公司，姑且叫做有「港資」要嚟化吓妝咁囉，順便吊住李兆基家族囉。明白無?!

但要成事，就要確定「需求」必須存在，於是就借環保之名強制的士轉用石油氣。至於點解連小巴都轉石油氣，本身只係純粹谷大個需求，唔止車數，仲有耗用量。

好簡單嘅道理，一部的士，不論「金豐」還是「實力」(日產Cedric) 淨重只係約1300kg；一部小巴，不論牌子，都係3000kg 咁上下。純粹理論，越重用得越多….. GOT IT?!

至於其他商用車點解用唔到石油氣，原因只得一個 ~ 能源值。簡單講就係產生唔到足夠嘅動力。又原本仲有打算要客貨VAN 同「五噸半」都改埋，但貨運業起勢反對 – 有如現今充電嘅問題「咁多車用，點入氣呀?!」，於是只好「收編」流晒口水只圖尋租經濟嘅的士同小巴業。

在董建華及北京嘅角度，對於邊個汽車牌子做到嘅盤算只係鄧小平嗰句「唔理黑貓定白貓…..」只不過豐田車廠表現得最積極。如前述，石油氣的士响日本同澳洲早已大行其道，根本 CTRL-C CTRL-V 就搞掂。豐田、日產，以至好快被市場淘汰嘅福特，完全無額外嘢要做就可以參與呢場「分餅仔」，但小巴呢?? 响當陣時，全宇宙銀河系根本就無呢種車，但豐田搵到方法，將原本用於叉車嘅 1BZ 引擎放入 Coaster B40 嘅引擎倉就搞掂。

Side track，雖然日產亦都將日本本土早已存在嘅電油版 Civilian (TE45引擎) 改裝成石油氣版本嚟香港做 Trial Run，但就是負責用呢部車嘅邱茂秀呢個曾經係日產 FANS 都嗌「唔掂」。(至於 Ford Transit，算九數把啦)

若問豐田係咪有心參與其中，甚至覬覦壟斷市場？就我所了解掌握同分析到嘅資訊，唔敢講「係」，始終當其時的士用車，日產仲有大約30-40% market share；但小巴喇喎….. 唔講咁多，只講一個事實 ─ 除了豐田以外沒有其他車廠做石油氣規格嘅 R&D。(又其實除咗 FORD，記憶中BENZ 都有打算過，但捷輝謝氏兄弟在當住幾十人面前兜口兜面指住莫偉全鼻哥吊9佢「你話無歐三油渣小巴？我買俾你睇！」並訂購咗兩部 Sprinter 之後就擱置咗)

如果連埋「巴士台」嗰邊做過簡單嘅油站地價分析，並有歷史資料記錄中石化及中石油瘋狂高價競投油站可謂如今油價高企嘅罪魁禍首，仲要加埋地政總署更改油站續租程序有如為中資開綠燈，可以話董建華嘅「環保政策 of 石油氣的士小巴」令到皇冠車行壟斷市場只係碎料而已。亦所以話董建華禍害香港，絕不為過。

後記：有柒頭指皇冠車行母公司英之傑集團係英資，唔應該批評佢哋「投共」云云….. 但單係的士小巴 almost 100% market share 嘅時候，佢係咪得益者吖?
唔好 9-spin 森那美、大昌唔爭氣於售後服務。我實實在在的告訴你們，太多修理佬只係識得拎住豐田manual 睇到老
再者，1979年直通車恢復之後，廣東省交通廳發起跨境客運服務，英之傑馬上舉手表達支持並參與其中。所講嘅公司就係粵港直通巴。
英之傑除咗旗下嘅天祥洋行售予多部Leyland 巴士作開業用之外，仲係創始股東之一。