想問台灣人知唔知點解同點樣一抽提子要搞到咁第志大條？同埋點解&點樣持續要將香港習慣用語亂咁 Spin 匪語？
1. 於蔣魔光頭介石的「漢化」同「國語」政策主張，從來都認定只有源頭係北方胡語嘅「國語」，即香港同匪區嘅「普通話」才是漢字語言系之唯一正統；
2. 唔信的話，回想返白色恐怖時期，蔣魔對待分類屬閩南語系嘅台語嘅立場同態度就係課本常出現嘅「蠻夷」，即所謂「唔文明用語」。而香港人 especially 年過45的，回想返你讀小學嘅時候，先生會訓示「廣東話係寫唔到」作文功課經常被寫評語「口語化」？即係話，both 台灣同香港嘅人响意識上，除了國語/普通話之外並不存在其他語言，即使平時响屋企或友儕間會講台語、廣東話，或是講國語而摻雜咗其他漢字語言嘅用詞，都有呢種觀念；
3. 回到現實，雖然台灣同香港之間嘅民間交流頻繁，但就算長期居於香港嘅台灣人，都未必完全熟悉晒香港嘅日常生活用詞，例如去解會係「踎大排檔」、搭的士會叫做「飛的」、搭地鐵叫「捐地窿」、搭過海隧巴响隧道入面，約好咗嘅朋友問你去到邊，你答「潛緊水」。唔信？不如問吓算係長居香港而且廣東話好流利嘅任賢齊；
4. 延伸出嚟，就算「香港快閃黨」更加之唔會識呢啲詞彙，更何況好少嚟香港甚至未嚟過香港，點可能識呢？
5. 的確 Grapes 香港日常係叫做「提子」。但點解嗰班根本係中共派遣嘅網軍會拎「葡萄」spin 得到？我估計並好大程度相信來自社交網絡，因為香港嘅網民經常會想表達「羡慕」「妒忌」時鍵入「葡萄」呢兩個字。用呢兩個字嘅源頭係「吃不到的葡萄是酸的」這來自伊索語言的語句；
6. 好吧，想拗「咁即係葡萄啦」，去返第1. 同第2. 點，香港嘅書籍印刷同外文翻譯，長期都係「國語才能書寫」嘅觀念同邏輯之下而進行。所以「葡萄」二字响香港出現嘅因由，都係要算到蔣魔光頭介石身上。亦所以我反蔣反到比台灣綠營更甚就係咁嘅因由，連陳峻涵都話我瘋狂。因為佢毒害埋香港㗎DKLM！
7. 相反地，台灣一大堆民間日常用語，就算定居台灣N年嘅都未必曉，唔好話例如機車、(對女性話)公車呢啲侮辱性質嘅字句，就是經典之徐懷鈺《怪獸》其中一句歌詞「熱心就去指揮交通」所指嘅「義交」，香港人都未必有概念係乜嘢一回事。更何況香港人到今時今日對台灣語言嘅概念仲係「普通話」(即國語)而唔知甚至意識上排拒台語，根本上比起台灣人對香港嘅唔了解係有過之而無不及；
8. 再回到現實，台灣依家嘅「國語」或「台語」其實已經摻入咗大量香港詞彙字句，由日常生活到政治都係。得閒睇吓啲論政節目，由主持李正皓、許貴雅、王偊菁甚至風格老派一啲嘅許仲江、謝震武，到「老人家一啲」嘅嘉賓名嘴尚毅夫、鍾年晃，陳東豪、王瑞德，以至于北辰、吳崑玉，總會失驚無神爆幾隻根本係來自香港嘅詞彙、語句，後生一啲嘅例如張禹宣、卓冠廷、苗博雅、吳靜怡等等更加唔駛講；
9. 雖然 as 第7.點香港人反而唔太識得啲台灣民間日常用語，但始終兩地嘅民間交流係好頻繁、好密切。加上近呢大約10年嘅政治大環境彷彿台灣同香港係 link up 咗。而呢一樣嘢乃共匪最唔想見到嘅第志，於是乎就會有動機要去拆散呢種聯系，要進行分化；
10. 毛澤東鬥爭理論關於「煽動群眾鬥群眾」入面，搞分化嘅其中一項基礎，就係利用群眾之間嘅無知去展開。當台灣人對香港一知半解 & 香港人對台灣知啲唔知啲嘅時候，正好就是成大個入攝嘅空間；
11. 另一個因素係香港近呢十幾年嘅中共人口滲透，令到香港社會好不其然地吸納並習慣咗一堆根本來自共匪治區嘅字詞，例如叫人「等等」「等陣」變成「稍等」、食店「侍應」「伙記」變成「服務員」招呼客人「各位起筷」變成「請慢用」，「街坊藥房」變成「社區藥妝店」…. 而好可惜地香港人竟然毫無警覺地持續用，就形成另一個可以被入攝並轉移至台灣成為「戰場」嘅契機；
(P.S. to 香港人，唔好追到1997年咁遠，呢啲事情係2008-09年之後先至陸續出現的，因為奧運會形成嘅社會意識，加上「為人民幣服務」嘅思想係响嗰個年頭加劇的)
12. 呢啲茅盾挑動有無人拆解？有，例如嚼嚼與貓叔，但好坦白真係做得好皮毛，俗啲講到喉唔到肺。而又不論「香港快閃黨」嘅台灣人或「台灣快閃黨」嘅香港人，無太多接觸「在地事物」，根本好難真係有較深入嘅認知，呢個情況就確立咗共匪煽動嘅空間唔止夠大，仲好夠堅實。想拆都好高難度；
13. 再加上近呢十年網絡文化之但求即食，both 香港同台灣人都已經唔會太過用腦，加埋SHORTS、REELS等抖音式觀能刺激，更是毫無耐性。而我常講嘅要禁止嘅「黃洋達MODE有乜梗係屌咗先」，但當然阻止唔晒，兩邊嘅人都係「打火機」，共匪嘅煽動，咪成功地展開囉。
咁要點做？唔好問我，再又其實你有用到小學程度閱讀理解能力睇晒呢「五連POST」根本已經掌握得到。只不過，我亦好貝戈戈地全部用晒香港字去打呢接近1800字，目的就係「如果連這1800字都看不懂，請問你憑什麼去判斷香港字詞以至其他香港的事情」，再直接啲台灣MODE講「你八七看嘸懂，安呢評定是香港的對或歹? 怪不得被共匪煽動做了打火機都嘸知咯」
Be the first to comment