搭巴士帶安全帶之田北辰疑似請網軍「賴」林卓廷？？

過去兩日，响各社交網站，包括FB、Threads、Twitter，與及連登，都有「帶風向 post」指1月25日起搭巴士要帶安全帶嘅罪魁禍首係林卓廷。

即係話呢個topic 已累積咗一定程度嘅民怨以至民憤，如果唔係，有關方面唔駛咁樣出幾千銀請網軍轉移視線。(據我睇到與及收到嘅報料估計，應該大約 $2000 起跳)。

有幾位網民 (未clarify 到現實中係邊位，如知請報料俾我修正) 都出 post 以正視聽。其中呢位 crazyyc9 on Threads 我就 CAP 咗落嚟同大家分享

的確，林卓廷係動議「裝安全帶」，但嗰個係「無約束力動議」，即係得個講咗就算，唔一定要執行。另要留意咬文嚼字，佢只係叫「裝」，無講過要強制「帶」。不過，我要同大家考古，當年雪糕佬 action 前，有透過黨友問我意見，印象中我提出幾個要點：

1. 外國同類巴士服務嘅車唔止唔駛帶安全帶，係連架巴士無裝安全帶。只有會上高速公路嘅 COACH 先至會有。頂多係第一排同車尾中間位呢啲叫做「高風險位」先至會裝。即係嗰個年頭九巴城巴新巴已經做咗嘅狀況；
2. 香港嘅巴士公司派車無話好似外國咁，分好晒市區流水線 vs 長途公路線有唔同種類嘅車。裝定晒有一個好處就係當派架車行例如 60X、271、961 之類會行公路嘅線，乘客就可以好似外國咁，認為有需要帶就有得帶；
3. 但要留意成部車會重咗最少半噸，大約3-4% of unladen weight，變相燒多咗油。如果全車三點式，會再重多200-300kg。歐洲啲coach都只係嗰幾個「高風險位」係三點式而其餘嘅只係兩點式；
4. 另外要提防例如 田北辰 嗰類「安全帶是萬能的」上腦嘅政客同官員會推行強制扣安全帶呢啲咁擾民嘅措施；
5. 不過，基於1&2，我認同有需要裝定，但跟歐洲coach 嘅做法已經足夠。

有啲嘢係必須以正視聽。奉勸運輸署、田二少之類，與其擔心民怨而(疑似)請網軍帶風向，不如正面回應，甚至公開辯論，唔好死撐。