標題黨應該第一件事爆 seed 「 油價嘅嘢，關 『地政』 叉事咩，咪亂9咁寫啦」
即係咁，將兩個或以上看似無關連嘅課題拉埋一齊嚟寫，我一直有寫，例如幾年前响 HK BUS CHANNEL 寫咗一篇足球同巴士行業嘅關係嘅文章，一堆郁啲就話我 9UP 嘅巴膠/巴敗 Haters 睇完都唔忿氣，後來我連續幾年嘅5月、6月share 英國巴膠响倫敦溫布萊球場出面影到載住英冠附加賽、足總盃決賽嘅球迷嘅巴士車海嘅相，堆 Haters 全部灰飛煙滅。所以，我寫得嘅當然梗係可以用條大纜扯得埋啦！
入正題，香港嘅車用燃油價錢本身已經貴絕全球，美國、以色列攻打伊朗，觸碰到國際原油價格呢個課題，香港嘅油站嘅各類燃油 (包括營業車用的柴油) 公佈零售價終於升破 HK$30 大關，無論揸私家車定搵食車嘅，都嗌晒救命。與此同時，線上線下亦再一次炒起 「油魔暴利可恥」 「油公司合謀訂價可恥」 嘅聲音。
一直以嚟，都有人將香港嘅車用燃料價格同鄰近地方做比較，但由於各地嘅稅制及油公司提供嘅優惠都有唔同，甚至有啲複雜，未見好有系統咁去做。响 「巴士台」 聯營平台 HK Car Channel，就將香港、港車北上入油熱點嘅珠海，同埋曾經係香港車用燃料主要供應來源地嘅新加坡，做一個清楚嘅比較，證實咗 「油魔暴利」 嘅客觀條件存在喇。至於油站地價嘅問題及更深入嘅分析，當然未係適當時候揭開底牌啦。
雖然 N年來都有人提過油站地皮嘅問題，但始終未有人作系統化嘅整理。但每一次油站地皮招標成交記錄是否齊全並非重點，而係「招標」嘅必然結果就係價高者得。而响 HK Car Channel 嘅文章入面亦有提過，地政總署响2000年更改油站地皮承租制度，由原本嘅「原經營者可優先續租」改為「完約重新招標」。
*** 以上為節錄內容。全文可到Patreon 加入付費會員，或單次購買**
Be the first to comment