砂朥越州議會選舉，「砂獨」政黨全敗兼露底

噚日除咗台灣「四大公投」，仲有砂朥越州議會 (姑且用住呢個名稱) 選舉。82個議席由四個主要政黨/聯盟，多個細黨與及獨立人士合共349名候選人爭奪，結果一如所料，砂朥越最大政治聯盟「砂拉越政黨聯盟」(GPS) 四個政黨合共最得76席，希望聯盟由上屆10席暴跌只得2席民主行動黨取得；曾是屬於西馬巫統為首嘅國民陣線成員，後來跳槽至希盟再出走嘅「青蛙黨」砂拉越全民團結黨取得4席。响2013年成立但直到2017年才轉趨活躍並打著「砂獨」旗號嘅「肯雅蘭全民黨」，派出73人參選，全軍覆沒，其中66名候選人因得票率未達12.5% 而被沒收5000令吉選舉按金，就是黨主席溫利山也只是僅僅過關保住按金。

GPS 响馬來西亞聯邦係黐住巫統「搵食」，四個成員政黨尤其是繼續任首席部長嘅阿邦佐 (Abang Johari Openg) 所屬嘅砂拉越土著保守黨，與及「砂共餘部」嘅砂拉越人民聯合黨，幾十年來砂朥越利益被出賣嘅主要「戰犯」。只不過隨住「砂獨」火頭由2012年開始出現，2014年起任首席部長嘅阿德南(Adenan Satem) 稍為修改路線「守護砂權益」，亦的確從吉隆坡爭取到多項砂朥越嘅憲政權益，但都唔係關鍵事務，也的確促使馬來西亞聯邦國會通過法案將予砂朥越嘅石油回饋由5%提高到20%，不過至今未落實執行。到2017年阿德南逝世由阿邦佐接任，仍然維持表面上爭取砂朥越憲政權益，實際上只係配合巫統「做戲」而已。直接而「講得好聽啲」所以呃到吓人。

希盟之所以「輸剩底褲」，就係「戲都唔做」或者「做到穿晒崩」。再者，一直以來不論响西馬還是砂朥越，希盟都好似只係識打「城市戰」，而砂朥越絕大部份地域都係窮鄉僻壤，希盟响砂朥越嘅基礎根本唔穩。而响「砂朥越憲政權益」問題上，希盟不止毫無貢獻，响聯邦國會以至2018-2020年執政期間更有拖後腿之嫌。呢個結果其實係「佢哋應得的」。

既然「砂朥越憲政權益」 可以話今次州議會選舉嘅重點所在，理論上打著 Sarawak for Sarawakian (S4S) 以至明言爭取砂拉越獨立嘅肯雅蘭全民黨應該有一啲成績，但點解會全軍盡墨？

如果大家有印象我過去曾經講過「砂朥越版熱普城」呢個Terms，如今我就實實在在的公開告訴你們，所指嘅就係肯雅蘭全民黨(Parti Bumi Kenyalang，簡稱 PBK)。

不過，大家唔好咁快下定論「抵死」，一定要了解清楚乜嘢料子。

先講返選舉方面，PBK 提出嘅政綱同論述好唔實在，就是「爭取砂朥越憲政權益」，只係一堆口號，如何實踐，莫講話8年前都係得個桔，即使近3、4年開始活躍，仍然只係圍繞住「1963年協議」延伸出砂朥越應該享有嘅權益 bla bla bla 所以我哋就要去爭取。响今次選舉，其實都只係重彈呢啲老調，頂多加一項「如果當選過半議席就黨員及支持者每人派3000」

雖然砂朥越人嘅民智水平唔高，但都仲會識得問政客 What to do 同埋 How to do。應該解釋得到 PBK 輸清光嘅其中一個原因。

相信大家睇到 PBK 一直嘅文宣、論述，應該會覺得風格、方向有啲似曾相識。對比返陳云根嘅城邦論，都只係講一堆好似有歷史、政治文憲為基礎嘅目標，無提出或者講唔出實質上要做啲乜同點樣去實現；又或是對比黃毓民乜春「全民制憲」，又係一堆目標同口號；再又或是黃洋達成日講啲類似「派錢」嘅嘢……

大家應該 叮叮叮「砂朥越版熱普城」呢個稱呼真係好貼切，甚至可能認同完全正確嘅比喻式代名詞。

响2019年3月，我返去古晉賀舅父90大壽嗰一個星期，有抽空去同溫利山見過面。仍記得佢同行嘅應該係幕僚嘅人，一坐低寒喧兩句就兜頭劈埋嚟一問「你是否認同Sarawak是一個國家」，我亦好巧妙回答「Sarawak 的而且確曾經係一個國家，依家就要去爭取返成為一個國家」

一邊飲咖啡一邊傾咗大約半個鐘，溫利山同佢兩位「幕僚」講嚟講去都只係話要爭取Sarawak independent。唔好話如何實踐，就是眼前存在乜嘢問題，應該循乜嘢方法應付，頂盡得一啲虛浮嘅回答。總之嗰個下午飲完嗰杯 Kopi Kosong 揸車返舅父屋企，我個腦係不斷浮出陳云根曾經的「偉論」，然後心中彈一句「點解溫利山咁撚陳云 feel 嘅呢」

呢件事响過去兩年多我一直收埋，因為要靜觀其變，睇吓佢哋「開邊瓣」。到舊年年初，堂家姐 (即N79 候選人 林蓮芬) whatsapp 話我知佢加入咗 PBK 準備參選，我只一句 may the god bless you would great effort 同埋叮囑佢要一切小心免被利用，就再無同佢講其他嘢，也當然更加知道一切有關PBK 嘅事都要封口。如今選舉 Total lost，就連溫利山自己都幾乎輸埋按金，認為時機適合。

溫利山是否同中共有聯繫，現階段當然不能下定論，宏觀上只能話對比於熱普城係巧合，但循返支那共匪嘅角度，似乎有跡可尋。之前嘅節目有提過部份，綜合簡單整理出三點：
1. 約2012年香港出現所謂本土主張，陳云就突然爆出且一炮而紅 vs PBK 出現於 S4S 運動發生差唔多嘅時間
2. 陳云嘅目標就係騎劫「香港本土意識」，PBK 亦有如騎劫咗成個「爭取砂朥越憲政權益」議題
3. 砂拉越共產黨在1957年被英國瓦解後，部份留响砂朥越嘅殘餘勢力就組成砂拉越人民聯合黨繼續活動，但對S4S搵唔到切入點 vs 禮義廉、工賊無法切入香港本土意識

呢三點正好解釋得到支那共匪欲染指砂朥越嘅 mens rea，亦可以推斷出將熱普城呢個玩法由香港 copy & paste 過去砂朥越嘅可能性。另外，熱普城全盤否定英國於香港嘅關係，而我所了解到溫利山團夥對砂朥越王國布魯克家族嘅事亦係採取否定立場，只不過無好似陳雲根咁講到出口。

係唔係，留待時間證明，不過可以補充指出，假設以上推論真確，支那共匪可能以為唔會有人發現呢啲「咁啱得咁蹺」。但又相對於要Facebook 陳澍 與及 Google 香港對我嘅打壓，支那共匪真係自打咀巴。

還有從歷史角度，二戰時日本南攻第一個爭奪目標就係砂朥越，原因就係石油。砂朥越現在仲有石油，而且舊年發現可能有新油田/天然氣田。即係點，過去節目有講過喇。

亦因此，我對於 PBK 全軍覆沒一啲都唔意外，甚至可以話鬆一口氣，因為溫利山等暫時難以繼續操作「砂朥越憲政權益」議題，至於 GPS 出賣砂朥越嘛？起碼阿佐邦做戲都做得算似啲樣。但砂朥越憲政權益甚至主權問題嘅唯一解決方法係砂馬分家，英國暫時接管返，再交返俾第三任國王 Charles Vyner Brooke 原立王儲 Anthony Brooke (已在2011年離世) 嘅後人復國。呢個完全符合1966年維也納公約法條約嘅原則。如果有需要就請英國政府協助管治。

後記：Anthony Brooke 臨終前托付佢個孫 Jason Desmond Brooke 重塑返整個砂朥越王國嘅歷史，佢响英國成立 The Brooke Trust 布魯克基金會，昔日响古晉屬於王室嘅建築亦以文物古蹟、文化保育陸續進行復修，可以話人、物條件俱備。

相關嘅影片節目已經上載至 Jacky Lim Channel YouTube頻道



歡迎收睇。睇完記得 Like 同 Share

備註：文中的「砂拉越」只是因應相關組織或機構而採用，「砂朥越」為有歷史文憲記載的正式名稱