今日有唔少傳媒報導關於1月25日生效搭巴士強制帶安全帶一事，唔少市民都提出好多問題、質疑，啲報館、電視台梗係報咗就算㗎啦。只不過，現實歸現實，官府吹到咁大，响由治入興之下必定強勢推行㗎喇。不過，有一個情況， 運輸署 Agent T 至今依然迴避，就係安全帶壞咗點算。
翻查新聞，係有傳媒問過署方，只不過啲幹部只係人肉錄音機式回應「唔扣就係違法」，即係不作正面回應啦。
既然係咁的話，市民要自保嘅唯一方法就係當遇上張櫈嘅安全帶係壞嘅就馬上通知司機，即俗稱 Port 車，要求立即停駛，同安排另一部車「過客」。
事實上，跟據返運輸署就驗車方面嘅要求，壞帶係車主/司機違反法例嘅所為，响法理層面上係唔可以揸架車出街的。
只不過，如果「過客」嘅嗰部車又有安全帶係壞咗呢？繼續PORT 囉
嘩….. 咁好浪費時間啫
無計嘅喎，所為依法辦事吖嘛。再唔係，你 ready 定 $5000 俾罰款咁囉。
仲有無其他方法？有，仲保證100% 安全無事。呢個就係我呢度成日講嘅「拜鐵路教」即係去搭港鐵囉。港鐵最高時速80km/h (東涌線高達130km/h)，又唔需要安全帶吖嘛。所以我話呢條法例某程度上都係為咗「拜鐵路教」教會增長，絕對唔係生安百砌㗎。
嗱，總之，遇上安全帶壞咗，記得通知司機 PORT 車。至於例如紅VAN 司機可能有黑色背景會聲大夾惡叫你唔好咁多事，都係嗰句，去拜鐵路教就永保平安。阿門！
Be the first to comment