強烈要求馬上立法規管港鐵高鐵乘客扣安全帶

既然講到「快」字就要「帶安全帶」…..

目前法例規定，巴士車速上限為 70km/h。而港鐵市區線嘅最高速度為約 80km/h，已經快過巴士。甚至乎東涌線 / 機場快線更高達 130km/h，比巴士快接近兩倍；高鐵更可達 170km/h。按照當局及嗰啲87政客嘅思路，鐵路更加要加裝安全帶，並立法強制乘客要扣安全帶，全面保障乘客安全，咁先至係一個「向人民負責」嘅政府吖嘛。

因此，強烈要求中国香港特区政府立即啟動有關程序，包括聘請顧問公司研究响港鐵、高鐵車廂安裝安全帶，包括站立乘客用的設計，與及草擬條例草案，盡快响6個月內成為全宇宙首創「搭鐵路要帶安全帶」嘅地方，落實偉大領袖毛澤東主席的「超英趕美」目標。

相信响過程中，必定有官員、政客走出嚟表示「港鐵每站行車時間距離僅約幾分鐘，咁樣的話會好費時失事」bla bla bla….

咁就唔好意思要爆粗 DLLM，巴士夠係啦，嗰陣你哋乜揩嘢回應呀？咪又係話「保障乘客安全」。既然鐵路車速快過巴士，唔要乘客帶安全帶，你哋即係草菅人命啦?!!

嗱，奉勸運輸署、運流局、港鐵等機構，唔好犯下第一任特首董建華嘅訓斥「議而不決，決而不行」，立即行動，落實全面公共運輸嘅乘客安全！

配圖為網上流傳的 AI 組成圖片。模擬埋個效果喇。 運輸署、運輸及物流局，與及港鐵公司快啲開波啦。