解說：香港人對新加坡嘅誤解

由N年前寫報紙以嚟，發覺香港人對新加坡都存在好多誤解，而又咁多年嚟都未有人(包括我) 認真精簡地梳理。趁今日係新加坡60週年國慶又有啲啲時間，打返字出嚟做返啲簡單解說。

1. 專制獨裁，選舉只是做戲

相信以至肯定絕大多數，or probably more than 98% 香港人對新加坡嘅政治制度係咁樣理解。但其實响二戰之後，新加坡由英國殖民地變格成自治領嘅1957年開始，就已經實行立法局直選，到1965年獨立之後，國會不單繼續係直選，仲係強制投票。

2. 李光耀操縱選舉，民主為名，專制為實

其一講法，選民投乜票會有偵測，如other than PAP嘅候選人得票太多，會有懲罰措施，例如關閉超市。呢個完全係則卷小雲 ~ 創作力量同幻想會嚇你一跳

其二講法，實行集選區制度，方便壟斷議席。

呢個觀點我從來唔反對，因為此乃事實現象，但亦有曾公開及友儕間提過此乃雙面刃，因為若果其他黨派有本事嘅，亦有可能一嘢flip over。而响2011年工人黨由劉程強、林瑞蓮領軍勝出阿裕尼集選區之後，亦引證咗呢個可能性係存在，只不過真係難度非常之高

3. 點解PAP 持續取得絕大多數議席？

話分兩頭說，一頭係非PAP要「落區插旗」係有啲難度，難度並非PAP玩嘢阻撓，而係第二頭，太多太多太多太撚多太揩多人幾十年嚟盲信PAP，情況大鑊過香港嘅北角、土瓜灣，或台灣台北嘅大安、文山、松山啲眷村、苗栗雲林南投。呢一點，相信冇幾多香港裔評論人會講到俾大家知。

返嚟剛過去呢一次嘅大選，雖然有當地分析認為，某程度上因為美國响年初嘅「變天」Donald Trump 再度上場，坡人認定只得PAP有經驗有資格 Handle diplomatic issues with USA，但係「觸犯PAP天條」涉及貪污醜聞嘅外交部長維文 (Vivian Balakrishnan) 同內政部長尚穆根(K Shanmugam) 都依然當選，真係唔好覺得我講嘅係流料。

4. 調返轉，點解其他在嘢黨派做極都做唔起？

第一，有啲政黨，只會陳義過高，只談理念不切實際，例如曾經我寫文點名講過嘅新加坡民主黨徐順全。近年出現的新政黨，除咗PSP，都係咁上下。又或者聲大大無貨賣，例如又係我曾經寫過嘅鄧亮洪。

第二，包括工人黨在內，無一個政黨夠膽狼夾狠且快而準咁對待PAP嘅犯錯，變咗PAP有喘息空間之餘，亦變相令公眾錯覺「還是只有PAP有執政能力」。過去，我曾經响聯合早報撰文示範如果向PAP爆樽，例如兜巴星樟宜機場交通配套垃圾過西。但似乎未有人領悟得到

第三，新加坡人某程度上俾李光耀照顧得太妥貼，除咗衍生出可能對PAP盲目崇拜之外，仲有everything waiting for government will be ok la，一種可能比香港人、台灣人更不加思索嘅意識形態，再演變出對其他政團欠缺信心、信任嘅思想。某程度上或可以話even 工人黨、PSP 吃力難得到討好嘅現象。我個人估計陳清木急速退下火線，呢個係年齡之外嘅另一個可能嘅原因。

5. 新馬分家，李光耀求之不得。鏡頭前哭只是鱷魚淚

我初初都以為呢個謬論只係厚黑式解讀，但諗諗下，呢個講法似係要嚟backup 「李光耀專制獨裁可恥」while 分咗家就成為土王帝。

過去响香港嘅政治討論有所謂「大中華膠」，由此演變比喻，李光耀從來都係不折不扣嘅「大馬來西亞膠」，佢一直認定新加坡無咗馬來亞呢個靠山必定仆硬街，所以佢向英國爭取脫殖嘅主張係要同馬來亞合併而唔係獨立。

响新馬分家嘅談判過程當中，馬來西亞首相東姑拉曼就係睇穿晒李光耀嘅「大馬拉膠」思想，於是乎在迫佢屈服於吉隆坡中央之下嘅另一部署就係趕新加坡離開聯邦「就睇下你李光耀點死，到時嚟跪求我哋重返聯邦你就杏加橙」呢一點，响好多年前香港電台嘅「傑出華人系列 李光耀」，鄧靄霖嘅旁白亦有講過。

1965-8-9 個訪問流淚，必須要加上當時新加坡嘅經濟狀況同社會環境去理解，亦就正如鄧靄霖嗰句旁白「李光耀面對緊嘅係一個唔知點樣收拾嘅爛攤子」

試諗下，20% 失業率+經濟衰退+四周圍烏煙瘴氣到唔好得過當期時香港嘅秀茂坪馬仔坑幾多，你唔係會想做一個咁嘅地方嘅山寨王咁On9呀嘛。唔該老作呢啲有毒資訊之前做多少少功課得嘛??

後記：
1. 要記住，新加坡嘅情況太多複雜嘅歷史元素+種族問題+地緣政治响當中，但亦因為極度複雜，就成為某啲別有用心之徒斷章取義做nine spinning ，因而產生好多誤導之言，更成為有毒嘅資訊；
2. 我唔夠膽講我係乜嘢權威，我亦只係將我睇到、了解到嘅，攤出嚟俾大家睇。明幾多、領受幾多 none of my business ，我做咗我嘅份內事就算數；
3. 其實要講嘅仲有好多，但相信呢度已經好多字，唔係好多人有心機睇。再多啲字就直情趕客。點到即止就好了；
4. 有啲自恃大學畢業並自詡專家嘅生蕃寫N年嚟都唔會「解毒」，或者佢為嘅只係要啲錯料持續响街，咁先至可以指人嚟鬧去證明自己巴L閉

後續加料： https://commentary.jackylim.net/2025/08/singapore-observation-against-fool-refute/