印尼千島，千祈咪搞亂

要認識、了解，甚至分析、研究一個地方、國家嘅人事物新聞等等，對嗰個國家、地方要有基礎認識，係必須嘅，最起碼唔好搞亂啲地理位置、名稱，呢啲基本嘢先啦

印尼由逾17000個不同大小嘅島嶼組成，由我係小學雞時代嘅課本都有話印尼被喻為「千島之國」。

當中有幾個「大島」，都比較多人知悉，尤其是爪哇 (JAWA / JAVA) ，雖然面積唔係最大，但由於首都椰加達及多個重要城市，例如日惹、泗水、萬隆、梭羅，都係响爪哇島上面，所以最為人所知悉。

但除咗爪哇之外，仲有幾個主要大島：

加里曼丹 (KALIMANTAN)，即係馬拉話 BORNEO 嘅婆羅洲，自古以來包括汶萊、英國 (包括UK KINGS 及砂朥越嘅巫祿王朝)、荷蘭都想全面統一但統極都統唔到嘅大島。

印尼正進行遷都計劃，首都會由爪哇上嘅椰加達遷去KALIMANTAN 上嘅 EAST KALIMANTAN 一處名位努山塔拉(NUSANTARA) 嘅地方

加里曼丹於遠東政治史上仲有一重要事物，就係亞洲第一個共和政體 – 蘭芳共和國，係响今西加里曼丹省坤甸一帶的。

响加里曼丹嘅東邊隔咗個海嘅蘇拉威西 (SULAWESI)。兩個島之間嘅海域叫做望加錫海峽 (MAKASSAR STRAIT)，係嗰一帶一個重要水路。二次大戰後期，盟軍開始進攻馬來亞同婆羅洲，日本就係取道望加錫海峽，將响婆羅洲同印尼攞到嘅礦產資源運返上台灣同日本，但後來北上去到菲律賓嘅蘇祿海都俾美帝打到一仆一碌啦

仲有一個係面積最大嘅蘇門答臘 (SUMATRA)。最為人所知嘅農產品就有曼特寧咖啡。近年响YT好HIT，睇啲大貨車、大巴士轉彎上落山啲搞笑場面影片嘅 SITINJAU LAUIK，亦係响蘇門答臘島上面。

特別一提，蘇門答臘最北嘅一忽，就係鼎鼎大名奉行極端伊斯蘭主義嘅亞齊自治省。是的，所謂生蕃，呢度可以話真係盛產之地。

仲有一個面積唔係大，但都為人認悉嘅就係RESORT SUN & BEACH 享負盛名嘅峇里 (BALI)。留意個峇字，呢個應該先至係正寫。峇里仲有一個獨特之處，就係印尼普遍信奉伊斯蘭教，但峇里原本係主要信奉印度教的。

講到宗教信仰問題，就必定要提到帝汶 (PALAU TIMOR)。史稱東帝汶屠殺，就係响呢個島嘅東部。曾受葡萄牙人統治而信奉天主教嘅東帝汶人，為爭脫SUHARTO嘅暴政受盡苦難，終於在2002年正式獨立。

雖然印尼近代為人熟悉嘅人物，除咗政治領袖如SUHARTO、SUKARNO，仲有知名羽毛球手林水鏡、郭宏源、魏仁芳、魏仁君、王蓮香，都係來自爪哇島，但真係要記得印尼係唔止一個爪哇島。

仲有一樣得意嘅歷史，林水鏡家族來自福建莆田原本係姓黃，拉丁字母姓氏係NG，亦有版本載述係OEI。有文憲解說可能其祖籍地叫做「黃村」有關而被搞亂 (太多零散嘅料)，總之都係嗰句「南洋政治幾瘋狂都有」