賓福特嘅 Bryan Mbeumo 嘅去向備受關注，尤其是曼聯嘅球迷嘅「討論」更為熾烈，有傳佢 (may be 經理人公司) 開出週薪 £250,000，成為討論重點之一。
值唔值真係有好大討論空間，但佢嘅表現係點，尤其是若真係過檔曼聯之後嘅表現，某程度上會係討論嘅基礎。只不過，雖然佢响賓福特呢幾年嘅表現非常出色，尤其是剛過嘅呢一季，無咗 Ivan Toney 之後能夠拍住 Yoane Wissa 齊齊擔大旗，確實惹起各大球會嘅垂涎。
但想問各一言一語、無論係對佢正評還是負評嘅曼聯球迷，請問由2021年8月13日全地球通地爛眼鏡 ~ 主場 2:1 隊冧阿仙奴嘅嗰一場開始，除咗主/客與曼聯對陣嘅賽事之外，睇咗幾多場賓福特嘅比賽？
雖然我都無睇晒呢152場，只係睇咗大約20-30場 (有啲係睇咗一半就轉台或瞓覺)。唔敢講好熟知 Bryan Mbeumo 嘅技術水平同表現，或許至少對佢啲「路數」有啲了解。相反而言，對佢嘅表現到底係大約乜嘢一回事都唔係太清楚的話，提出啲論點又有幾多討論價值？
Bryan Mbeumo 無論响控球、走位、速度，都係一位出色嘅球員，但一如前段所述，一定程度上同拍住 Yoane Wissa 有關。離開咗賓福特，無論去咗邊一隊，無咗 Wissa，佢仲有無咁嘅技術發揮，客觀而言係一個 Question mark；或就是過檔咗曼聯，佢能否單人匹馬獨擔大旗，或是啲隊友可以有如 Wissa 咁拍住佢而能夠有所發揮，同樣都係 Question mark 來的。相信呢啲提問，無人會反對吧。
或者咁講，要不是佢開到聲想過曼聯，真心唔知道有幾多人真係有留意佢…… 咁囉。
後記：
1. 打算發花癲講乜9獨醒撚之前，麻煩摷返FB啲舊 post，我係有少少擺明引你哋啲港燦出醜俾全世界識得睇中文字嘅人睇
2. 仲有摷返啲舊 post，我真係講咗唔少場賓福特嘅賽事
3. 幾年前，某香港知名足球精品店舖 sell 我「有托沙呀」我回店員一句「有無佢响白禮頓時期嘅出品呀？嗰陣我已經好LIKE 佢㗎喇」而店員即刻黑面行開
Be the first to comment