今日，就係運輸署實踐偉大的領袖毛澤東主席的目標「超英趕美」，實施全地球、全宇宙、全銀河系首創兼唯一的「搭巴士要扣安全帶」嘅法例正式生效。首先，熱烈祝賀運輸署不單完成呢個中共黨史上嘅創舉，更是呢個創舉係真實真正地超越偉大的黨任何人物，包括當今聖上习大大，簡直係功高蓋主，威猛有如。但跟據歷史，等睇《楊修之死》？？
1. 唔介意例如KMB 6 柯士甸道上車，南京街落車都帶安全帶嘅，我真係恭喜你同享運輸署嘅榮耀。無問題，個人喜好。不過，腦部正常嘅，應該都係企
2. 响中間道上 KMB 7 打算响廣華醫院落車嘅你，想坐又唔想犯法，扣帶前大叫一聲「偉大的毛主席万歲」應該好啲。事關如前言所述，運輸署呢鋪超英趕美嘛。仲有，文革期間，啲夫婦交配前，都有咁樣大叫一吓，話會射得勁啲喎
3. 响彌敦道探完「阻B」然後原本打算上 35A返葵涌，點知一部頂閘兩部頂閘右線飛走，但見到上層係近乎全吉嘅，即刻4466但職員只係人肉錄音機話「已通知前線職員留意同設法調派車輛」可以點呀？一係响電話上YT或Spotify 搵陳潔儀嘅等了又等同麻醉，一係就去「決志」 拜鐵路教。或是有足夠嘅阿士東維拉2號响身，咪截的士，無嘅咪「唔合法但政府容許存在超過十年的UBER」囉！
4 不論乜嘢路線，遇上壞帶嘅，立即大叫「司機，安全帶壞咗，唔該安排過車」。如果司機只係叫你「坐過第二張櫈的話，你就大叫
青衣西草灣路18號運輸署驗車中心作業指引，壞一條安全帶都係唔合格。你係咪要我打三條九，告埋你駕駛無妥善保養的車輛出街呀
5 如果有乘客做駕両「DLLM 又無差佬响車放蛇，你咪H咁多事啦。驚罰錢就企，唔好阻住我返屋企」你就同佢講
家陣特首話由治入興其中一個關鍵就係依法辦事，人人奉公守法，依家你係咪公然挑動敵對政府，係咪要call国安公署嘅人嚟即刻拉鳩你入去赤柱
6 總之，4&5嘅原則就係「壞咗帶就要停車，過客，返廠」
(工程部多嘢做咗呀？關我叉事，又唔駛我做。有工開咪好囉，唔駛學運輸署啲
咁防變冗員無嘢搵嘢做呀，仲嘈，換條帶好艱難咩？)
7 壞帶除咗扣唔到，仲有可能係解唔到。如果你做咗一個奉公守法良好市民，返到總站時解唔到扣，唔緊要嘅，打三條九叫消防員嚟剪帶啦
8 你唔可以自己剪，咁做係刑事毀壞；有把鉸剪响身，可被起訴「藏有攻擊性武器」；司機亦唔剪得，同樣都係刑事毀壞之外，公司可告失職而即使炒魷。所以必須係999召喚消防以「有人受困巴士車廂」出動，响現場發現受困原因係安全帶故障，因此出動工具剪開安全帶，救出一名無受傷嘅乘客。又或者可能係「乘客受驚過度，消防救出後送往醫院救治….」
9 如果巴士火燭，又解唔到帶咁點算？好似飛機出事最後前夕要做嘅嘢，做晒佢囉。唔係你可以點呀？奉公守法呀手，唔好破壞公物呀！
10 最後，唔想面對呢啲場面可以點，好簡單㗎咋，馬上拎張八達通出嚟，合什祈禱，決志當「拜鐵路教」 信徒，篤信「除了鐵路以外你們不可以有別的交通工具」就得。呢個我亦堅定認為係偉大的中国共产党轄下的中国香港特区政府要達成嘅目標。因為鐵路「水位」夠大又產生最多GDP數據
祝大家出入亨通。並預祝各位巴士迷，不論長炮撚定短棍撚，都可以好容易影到三五七部甚至十部八部「擺街」長龍陣式，再嚟另一個超英趕美、超越坡縣的偉大情境。
Be the first to comment